પોલીસ ફરિયાદ નથી સાંભળતી? હવે DGP અને DIG આવશે તમારા દ્વારે | ગુજરાત સરકારનો નવો સર્ક્યુલર

નાગરિકોના પ્રશ્નોનું નિરાકરણ લાવવા IG,DIG અને ADGP આવશે તમારી સમક્ષ

જાણો તમારા જિલ્લામાં તમને કોણ મદદ કરશે.

ગુજરાત સરકાર હંમેશા નાગરિકોના જીવનમાં ઊભા થઈ રહેલા પ્રશ્નોનું નિરાકરણ લાવી લાવવા પ્રયત્નશીલ હોય છે અને તે સાબિત કરવા ગુજરાત સરકારના ગૃહવિભાગ દ્વારા એક સર્ક્યુલર જાહેર કરવામાં આવ્યો છે જે મુજબ હવે નાગરિકોને કોઈપણ પ્રકારની સમસ્યાઓનો ઉકેલ લાવવામાં જો કોઈ પોલીસ સ્ટેશનના અધિકારી નિષ્ફળ જાય કે પછી તમારી સમસ્યાઓનું નિરાકરણ કરવામાં રસ ના દાખવતા હોય તો આવા સંજોગોમાં જવું તો ક્યાં જવું જોઈએ વિગેરે પ્રશ્નો ઉભા થાય છે અને જો આવા સંજોગોમાં તમારી ફરિયાદ કોઈ સાંભળતું નથી તો તમારી ફરિયાદ નું નિરાકરણ કરવા હવે DGP અને DIG લેશે તમારા વિસ્તારની મુલાકાત તો આવો જાણીએ શું કહ્યું આ બાબતે ગુજરાત સરકારે અને કેવા પ્રકારના નો સર્ક્યુલર બહાર પાડવામાં આવ્યો.

ગૃહ વિભાગ સર્ક્યુલર

પરીપત્ર

ક્રમાંક : વસફ/૧૦૨૦૨૪/૨૪૦/S,

ગૃહ વિભાગ, ગુજરાત સરકાર, સચિવાલય, ગાંધીનગર.

તારીખ: ૩૧/૦૧/૨૦૨૬

હુકમ:-

વિષય: પોલીસ સ્ટેશનની મુલાકાત કરી અરજદારશ્રીઓનો રૂબરૂ સંપર્ક કરીને તેઓની રજૂઆતોનું યોગ્ય અને સમયસર નિરાકરણ થાય તે બાબત.

તા.૩૧/૦૧/૨૦૨૬ ના પરીપત્ર સંદર્ભે શું કહેવામાં આવ્યું?

ઉપરોક્ત વિષય અનુસંધાને જણાવવાનું કે, આ સાથે સામેલ ANNEXURE (યાદી) માં દર્શાવેલ અધિકારીશ્રીએ તેઓના નામ સામે કાળવવામાં આવેલ જિલ્લાની વર્ષ દરમિયાન દર માસે બે (ઘર) દિવસ માટે મુલાકાત લેવી અને સદરહું મુલાકાતમાં નીચે મુજબના મુદ્દાઓ ધ્યાને લઇ કામગીરી કરી, કરેલ કાર્યવાહીનો અહેવાલ પોલીસ મહાનિદેશક અને મુખ્ય પોલીસ અધિકારીશ્રી મારફતે ગૃહ વિભાગને પાકવવાનો રહેશે.

વિશેષમાં સંબંધિત અધિકારીશ્રીએ ફાળવવામાં આવેલ જિલ્લામાં નીચે નિર્દેશિત કામગીરીની જવાબદારી સોંપવામાં આવે છે. સંબંધિત અધિકારીશ્રીની બદલી થાય તો પણ તેઓએ સદર કામગીરી કરવાની રહેશે

• માસના પ્રથમ અઠવાડીયામાં ટુર પ્રોગ્રામ બનાવી તેની નકલ અગાઉથી જે તે સંબંધિત એકમને મોકલવાની રહેશે. બીજા અને ત્રીજા અઠવાડીયામાં ટુર પ્રોગ્રામ પુર્ણ કરી, કરેલ કાર્યવાહીનો અહેવાલ માસના ચોથા અઠવાડીયામાં ગૃહ વિભાગ અને પોલીસ મહાનિદેશક અને મુખ્ય પોલીસ અધિકારીશ્રીની કચેરીએ મોકલી આપવાનો રહેશે.
• સંબંધિત અધિકારીશ્રીએ પોલીસ અધીક્ષકની કચેરી, પોલીસ સ્ટેશન, એસ.ડી.પી.ઓ. કચેરીની મુલાકાત લેવાની રહેશે. વર્ષ દરમ્યાન જીલ્લાના મહત્તમ પોલીસ સ્ટેશન આવરી પોલીસ સ્ટેશનની મુલાકાત લેવાની રહેશે. માત્ર એક જ પોલીસ સ્ટેશનની વારંવાર મુલાકાત લેવી નહી.
• સંબંધિત કચેરીમાં માન. મુખ્યમંત્રીશ્રી કાર્યાલયના સંદર્ભ (PG Portal, SWAGAT 2.0 Escalation Matrix, MP-MLA Reference, CMO Swagat Reference સહિત), માન, નાયબ મુખ્યમંત્રીશ્રીના કાર્યાલયના સંદર્ભ, ગૃહ વિભાગ તરફથી મળતા પત્રો, પોલીસ મહાનિદેશક અને મુખ્ય પોલીસ અધિકારીશ્રીની કચેરીના રેફરન્સ, પોલીસ અધિક્ષકશ્રીની કચેરીઓ તરફથી મળતી અરજીઓ તથા સ્થાનિક કક્ષાએ આવેલ અરજદારશ્રીઓની અરજીઓનું યોગ્ય અને સમયમર્યાદામાં નિરાકરણ થયેલ છે કે કેમ? તે જોવાનું રહેશે તેમજ દફતરે થયેલ અરજીઓ પૈકી ૧૦ થી ૧૫ અરજદારશ્રીઓનો રૂબરૂ સંપર્ક કરીને ખરેખર તેઓની અરજીઓ દફતરે કરવા લાયક હતી કે કેમ? તેની ચકાસણી કરવાની રહેશે.
• દર માસે એક કે બે પોલીસ સ્ટેશનની મુલાકાત લઈ આ મુજબ અરજદારોની અરજી ચકાસી અરજદારોને રૂબરૂ મળવાનું રહેશે.
• ઉક્ત વીઝીટ અંગેની સૂચના સંબંધિત પોલીસ કમિશનરશ્રી કે જિલ્લા પોલીસ વડાઓને લેખિતમાં આપવાની રહેશે અને તેનો અહેવાલ પોલીસ મહાનિદેશક અને મુખ્ય પોલીસ અધિકારીથીને મોકલી આપવાનો રહેશે. સદરહુ અહેવાલમાં આપેલ સૂચનાનું અચૂક પાલના થયું છે તેની સમીક્ષા આગામી રૂબરૂ મુલાકાત દરમિયાન કરવાની રહેશે.
• પોલીસ મહાનિદેશક અને મુખ્ય પોલીસ અધિકારીશ્રીએ તેઓને મળેલ તમામ અહેવાલોની ચકાસણી કરી તેઓના રીમાર્કસ સહિત સંયુક્ત અહેવાલ ગૃહ વિભાગને મોકલી આપવાનો રહેશે.
• રેન્જ પોલીસ મહાનિરીક્ષક, પોલીસ કમિશનરથી જિલ્લા પોલીસ વડાઓએ પણ પોતાના કાર્યક્ષેત્રના પોલીસ સ્ટેશનો માટે દર માસે સમાન પ્રકારની કાર્યવાહી કરવાની રહેશે.

કયા અધિકારીને કયો જિલ્લો સોંપવામાં આવ્યો તેની માહિતી.

ક્રમ	રેન્જ/જિલ્લો	હોદ્દો	નામ
	Ahmedabad Range
1	અમદાવાદ ગ્રામ્ય	DIG	શ્રી દીપક મેઘાણી
2	આણંદ	DIG	સુશ્રી સુજાતા મજમુદાર
3	ખેડા - નડિયાદ	DIG	શ્રી નિર્લિપ્ત રાય
	Gandhinagar Range
4	ગાંધીનગર	ADGP	શ્રી ખુરશીદ અહેમદ
5	મહેસાણા	IG	સુધી પરીક્ષીતા રાઠોડ
6	સાબરકાંઠા	IG	સુશ્રી ગગનદીપ ગંભીર
7	અરવલ્લી	DIG	શ્રી વિશાલકુમાર વાઘેલા
	Vadodara Range
8	વડોદરા ગ્રામ્ય	DIG	શ્રી નિર્લિપ્ત રાય
9	છોટાઉદેપુર	DIG	સુશ્રી સરોજ કુમારી
10	ભરૂચ	DIG	શ્રી આર.વી. ચુડાસમા
11	નર્મદા	DIG	સુશ્રી સુધા પાંડે
	Godhra Range
12	પંચમહાલ-ગોધરા	DIG	સુશ્રી સુધા પાંડે
13	મહિસાગર	DIG	ડૉ. જી.એ. પંડ્યા
14	દાહોદ	DIG	શ્રી વિશાલકુમાર વાઘેલા
	Surat Range
15	સુરત ગ્રામ્ય	DIG	શ્રી આર.રી. સુશરા
16	તાપી	DIG	ડૉ. સુધીર દેસાઇ
17	વલસાડ	IG	શ્રી પી.એલ.માલ
18	નવસારી	DIG	શ્રી આર.વી. ચુડાસમા
19	ડાંગ	DIG	સુશ્રી સરોજ કુમારી
	Rajkot Range
20	રાજકોટ ગ્રામ્ય	IG	શ્રી મનોજ નીનામાં
21	મોરબી	DIG	ડૉ જી.એ.પંડ્યા
22	સુરેન્દ્રનગર	DIG	શ્રી ચૈતન્ય માંડલિક
23	જામનગર	DIG	શ્રી આર.પી. બારોટ
24	દેવભૂમિ દ્વારકા	IG	શ્રી પી.એલ.માલ
	Junagadh Range
25	જૂનાગઢ	DIG	શ્રી તરૂણ કુમાર દુગલ
26	ગીર સોમનાથ	DIG	શ્રી આર.પી. બારોટ
27	પોરબંદર	DIG	શ્રી હિતેશ જોયશર
	Bhavnagar Range
28	ભાવનગર	DIG	શ્રી હિતેશ જોયશર
29	બોટાદ	DIG	શ્રી તરુણકુમાર દુગ્ગલ
30	અમરેલી	DIG	શ્રી આરટી સારા
	Border Range
31	પશ્ચિમ કચ્છ-ભુજ	ADGP	શ્રી અજય ચૌધરી
32	પુર્વ કચ્છ-ગાંધીધામ	ADGP	શ્રી અજય ચૌધરી
33	બનાસકાંઠા	DIG	શ્રી ચૈતન્ય માંડલિક
34	પાટણ	DIG	ડૉ સુધીર દેસાઇ
35	વાવ - થરાદ	IG	શ્રી મનોજ નિનામાં

નિષ્કર્ષ: જ્યારે પોલીસ સ્ટેશનમાં સુનાવણી ન થાય ત્યારે શું?

જો કોઈ પોલીસ અધિકારી તમારી ફરિયાદ નોંધવામાં આનાકાની કરે અથવા સમસ્યાના ઉકેલમાં રસ ન દાખવે, તો હવે નાગરિકોએ મુંઝવવાની જરૂર નથી. 

ગૃહ વિભાગના નવા આદેશ અનુસાર:

• DGP અને DIG ની સીધી દેખરેખ: હવે ઉચ્ચ પોલીસ અધિકારીઓ (DGP - ડાયરેક્ટર જનરલ ઓફ પોલીસ અને DIG - ડેપ્યુટી ઇન્સ્પેક્ટર જનરલ) માત્ર ઓફિસમાં બેસી રહેવાને બદલે અલગ-અલગ જિલ્લાઓ અને વિસ્તારોની રૂબરૂ મુલાકાત લેશે.
• લોક દરબારનું આયોજન: નાગરિકોની સમસ્યાઓ સાંભળવા માટે ઉચ્ચ અધિકારીઓ દ્વારા 'લોક દરબાર' અથવા વિશેષ બેઠકોનું આયોજન કરવામાં આવશે, જ્યાં તમે સીધા જ તમારી રજૂઆત કરી શકશો.
• જવાબદારી નક્કી થશે: જો કોઈ પોલીસ સ્ટેશનમાં અરજીઓ પેન્ડિંગ હશે અથવા તપાસમાં બેદરકારી જણાશે, તો તે બદલ જે-તે જવાબદાર અધિકારી સામે કડક પગલાં લેવાની જોગવાઈ આ સર્ક્યુલરમાં કરવામાં આવી છે.